Celebrity

သာဇံရဲ့ နောက်ဆုံးခရီးကို အငြိမ့်ဝတ်စုံတွေဝတ်ပြီး လိုက်လံပို့ဆောင်ပေးခဲ့ကြတဲ့ လူရွှင်တော်များ

(၂၀၁၉) ခုနှစ်၊ နိုဝင်ဘာလကတော့ ဝမ်းနည်းကြေကွဲစရာတွေကို ယူဆောင်ခဲ့တယ်လို့တောင် ဆိုရပါတယ်။ ဟာသသရုပ်ဆောင်ကစ်ကစ် ကွယ်လွန်သွားပြီးတဲ့နောက်မှာတော့ ဟာသလူရွှင်တော်တစ်ဦးဖြစ်တဲ့ သာဇံကလည်း (၉၆)ပါးသော ရောဂါဝေဒနာကြောင့် ရှေ့ဆင့်နောက်ဆင့် ကွယ်လွန်သွားခဲ့တာ ဖြစ်ပါတယ်။

ဟာသလူရွှင်တော်သာဇံက ပြီးခဲ့တဲ့ နိုဝင်ဘာလ (၂၉) ရက်နေ့ နံနက် (၇ နာရီ ၃၀ မိနစ်) က ရန်ကုန်အနောက်ပိုင်းဆေးရုံမှာ ဆေးကုသမှုခံယူရင်း ကွယ်လွန်သွားခဲ့တာ ဖြစ်ပါတယ်။

လူရွှင်တော် သာဇံရဲ့ ဈာပနအခမ်းအနားကိုတော့ မနေ့က ဒီဇင်ဘာလ (၁) ရက်နေ့ နေ့လည် (၃ နာရီ) အချိန် ရန်ကုန်ရေဝေးသုသာန်မှာ မီးသဂြိုဟ်ခဲ့တာ ဖြစ်ပြီး လုပ်ဖော်ကိုင်ဖက် လူရွှင်တော်နဲ့ သရုပ်ဆောင်တွေများစွာ လိုက်လံပို့ဆောင်ပေးခဲ့ကြပါတယ်။

Loading...

သာဇံရဲ့ နောက်ဆုံးခရီးကို လူရွှင်တော်အသင်းသားတွေက လူရွှင်တော်ဝတ်စုံတွေကိုယ်စီဝတ်ဆင်ပြီး လိုက်ပို့ကြတဲ့ မြင်ကွင်းက အင်မတန် ဝမ်းနည်းကြေကွဲစရာပါပဲ။

သာဇံက ဟာသလူရွှင်တော်တစ်ဦးဖြစ်ပြီး ရုပ်ရှင်နဲ့ ဗီဒီယိုဇာတ်ကားတွေမှာလည်း သရုပ်ဆောင်ခဲ့သူဖြစ်ပါတယ်။ လူတွေကို အမြဲပျော်ရွှင်စေတဲ့ သာဇံတစ်ယောက် ကောင်းရာဘုံဘဝမှာ အေးချမ်းစွာ အနားယူနိုင်ပါစေလို့ ဆုတောင်းပေးလိုက်ပါတယ်။

Related Articles

Close